Ambasadori Dr Shefki Hysa, kryetar i Misionit Diplomatik Paqe dhe Prosperitet (DMPP), realizoi sot në selinë e këtij misioni në Tiranë, Shqipëri, një takim me z. Enver Ferizaj, President i Këshillit Shqiptar Agrobiznes (AAC). Gjatë këtij takimi njohës u diskutua për një bashkëpunim afatgjatë ndërmjet këtyre dy institucioneve. Gjatë këtij takimi mbizotëronte fryma e mirëkuptimit dhe bashkëbiseduesit ndanë pikëpamjet e tyre lidhur me ecurinë e politikave ekonomike të Shqipërisë dhe Kosovës dhe gjithashtu të zhvillimeve në rajonin e Ballkanit.
Një nga objektivat e DMPP është lobimi për nxitjen e bizneseve të Ballkanit dhe të vendeve në zhvillim si Shqipëria etj., Nëpërmjet projekteve, financimit dhe mbështetjes së donatorëve dhe investitorëve nga vendet më të zhvilluara ekonomike të botës, siç janë SHBA, Evropa, Izraeli, Kanadaja, India, etj. Në këtë këndvështrim, ata diskutuan edhe për arritjet, mundësitë dhe nevojat për ndihmë të agrobiznesit shqiptar.
Z. Enver Ferizaj i paraqiti në detaje ambasadorit Dr. Shefki Hysa veprimtarinë e SHKSH dhe projektet e këtij institucioni në ndihmë të biznesit shqiptar të bujqësisë. Ai foli edhe për mundësitë e bashkëpunimit në mes DMPP dhe AAC. Ambasadori Dr Shefki Hysa, në emër të DMPP, si një organizatë lobuese ndërkombëtare, e cila vepron në shumë vende të botës, premtoi mbështetje për veprimtarinë e ShKSh si një institucion për promovimin e agrobiznesit shqiptar dhe gjetjen e mënyrave të reja për të siguruar financimi nga agrobiznesi i vendeve më të zhvilluara perëndimore. Dr. Shefki Hysa vlerësoi punën e z. Enver Ferizaj, president i AAC, si një mision i paqes që kontribuon me përkushtim për paqen dhe begatinë në Shqipëri dhe në Ballkan.
Dylbere Dika